.cloud-label-widget-content { text-align:center; font-weight: bold; } .cloud-label-widget-content span { padding: 0 0 0 5px; } .cloud-label-size-1 a {color: #8b8989; font-size:20px;}

Ler cómics

lunes, 4 de agosto de 2014

Autobán!

Dentro duns días ,o venres 8 e o sábado 9 de agosto, vaise celebrar n'A Coruña "Autobán" , un minifestival de autoedición e banda deseñada de autor. Unha das actividades que se celebrarán é o Mercado de fanzines . Por suposto, eu e "Historias de Rego Torto" habemos estar alí. Como non me cadraba miga a idea de ir sen presentar algo novo, decidín pórlle por fin unha portada e unha contraportada a O asubío das fouces, inda que ó final debuxei todo un chisco ás présas e non quedou todo o ben que me gustaría. Experimentei un pouquiño coas sombras a ver cal era o resultado...Tamén fixen algunha páxina interior de recheo e un novo debuxo prós meus datos, etc. Supoño que hei ir colgando todo isto no blogue estes días. En fin, que os que queirades botarlle un ollo ó último que saquei , vide a Autobán, que é un festival que tén moi boa pinta e no que vai haber grandes promesas e moreas de talento da nova BD galega, e se non o credes mirade a súa web! Moitísimas grazas ós organizadores e longa vida ó Autobán!! 
Velaquí vai a portada d' O asubío das Fouces 





martes, 5 de noviembre de 2013

"O Asubío das Fouces"


Ola a todos !
Unhas semás atrais rematei "O Asubío das Fouces " : unha "historia de violencia no rural galego" de sete páxinas ambientada nalgún campón dos arredores de Rego Torto ; dous homes loitando a morte por un motivo que os supera e contra o que nada poden facer ... !
Fixen esta obra pra participar no "II Certame Benito Losada de Banda Deseñada" na categoría xuvenil e agora podédela ler aquí.
Poño amais unha ligazón pra que vexade-los outros traballos premiados na web das Xornadas de Banda Deseñada de Ourense !
Fica tamén aquí esta páxina tan "outonal", que é unha das que máis me gusta do cómic ...
Deica logo!


lunes, 7 de octubre de 2013

Exposición en Ourense!!



Ola a todos !
Xa vai case un ano que non me paso polo blogue , mais non deixei de debuxar en todo este tempo!!
  Quero avisarvos de que do 3 ó 27 de outubro, dentro do marco das XXV Xornadas de Banda Deseñada de Ourense ,poderedes ver unha escolma dos meus mellores orixinais no museo municipal de Ourense . Alí tén lugar unha exposición cos traballos dos premiados no "1º Certame Benito Losada de Banda Deseñada" que se celebrou o ano pasado ,é dicir ; Giovanna Lopalco , Xulia Vicente Jiménez , Shi Qi Luís Yang ,e mais eu. Agardo que , se podedes, vos pasedes pola expo ,que benseguro que vos gustará ...  


 

viernes, 30 de noviembre de 2012

Exposición de Banda Deseñada: Exile on Rego Torto St.!!

Pois sí, amigos, unha exposición de banda deseñada: "Exile on Rego Torto St."!!!!!


O día 5 de decembro ás 19:00 h inaugurase no Museo Ortegalia (Ortigueira) unha exposición na que poderedes ver gran parte do meu traballo (case unha trintena de orixinais) dende o ano 2010 ata hoxe. Alí teremos oportunidade de falar acerca da expo, dos meus orixinais e dos meus fanzines e, como non, de levardes algunha que outra dedicatoria ou debuxiño que vos facerei de moi boa gana.

A mostra permanecerá ata o 6 de xaneiro e a entrada , por suposto, é libre ! 
Podedes obter máis información da exposición e do museo no seu blogue http://fundacionortegalia.blogspot.com.es/.

Deixovos aquí embaixo o cartel que realicei para anuncia-lo evento e que, como podedes ver, é unha versión do famoso disco dos Rolling Stones "Exile on Main St." ( de aí o nome da expo de "Exile on Rego Torto St."). A verdade é que me levou tempo abondo facelo porque tiven que debuxar unha morea de cousas para simular fotografias da aldea: Salustio, Argamiro e a vella Maruxa de nenos, Clint Cerna co seu fillo no colo, un Argamiro maquillado ó David Bowie... pero o resultado penso que, alomenos nalguns detalles , quedou bastante ben.
Pois nada máis, se tedes oportunidade, pasádevos por aquí para coñecer mellor e de preto a aldea de Rego Torto e os seus habitantes. Xa estou agardando por vós!
Unha aperta !!


viernes, 23 de noviembre de 2012

Salustio e a festa nacional



Que tal vos vai??
Xa pensabades que non me lembraba de que tiña un blogue? Ás veces eu tamén cheguei a crelo, pero máis vale tarde ca nunca.
E, como é costume, aquí está o meu último cómic , feito no 2012: Salustio e a "festa nacional".
Case me da vergoña confesalo pola tardanza, pero presenteino este agosto no Viñetas dende o Atlántico e houbo xente, á que lle debín de dar tanta pena, que incluso mo mercou. Os camiños da banda deseñada son sorprendentes...
Neste cómic volvo a emprega-lo sentido de lectura xaponés e en canto á historia ... pois non é que estea moi ben, de feito é bastante maliña , pero o meu obxectivo principal era practicar co pincel e , sobre todo, coas tramas . Que ocorre no libro? Pois que Salustio terá que afontar un novo reto. Esta vez, deberá salva-las súas vacas dunha inquedante ameaza que nen sequera se podía imaxinar...
Que será iso que pon en perigo os animais da aldea ? Pois botádelle un ollo ou descargádeo no enlace de embaixo e a se mergullar no Universo Rego Torto, agardando que polo menos botedes algunha gargallada.


martes, 28 de febrero de 2012

Páxinas de Salustio e a "Festa Nacional"

Hoxe vouvos ensinar algo da miña última banda deseñada , Salustio e a "Festa Nacional". Xa tiña que estar acabada hai moitísimo tempo pero , entre unha cousa e outra , aínda non a rematei. Na historia , Salustio vai ter que afrontar un novo perigo ... e non vos conto máis porque senón despois non vades querer le-lo cómic !
Ben , pois aquí deixo unhas páxinas a lapis , e outras pasadas a pincel ( para estar acabadas aínda lles teño que poñer os bocadillos , algunha que outra trama ... ). Espero que vos gusten estes orixinais amigos !  Deica  logo !  




 






martes, 29 de noviembre de 2011

Disco 1: Alecríns N´ Tinta China


Aquí estou de novo compañeiros!
Estes días non puiden debuxar moito por mor dos exames ,síntoo, pero indo ó gran hoxe falareivos dun dos “proxectos” que teño pensado facer .Trátase dunha colección de portadas de discos dos meus grupos favoritos ,e que despois, eu versiono con ilustracións de Alecríns e Tinta China ,Rego Torto, etc. De momento xa teño pensado uns cantos deseños , dende os Rolling Stones ata Arcade Fire, pasando por Frank Sinatra, Nirvana e moitos máis . Probablemente a maioría deles queden no tinteiro por unha cousa ou por outra , pero nestes casos a mellor solución é poñerse a garabatear!!
O debuxo de enriba é unha versión da famosa calaveira de Guns N´ Roses , eu simplemente substituín o nome polo de Alecríns N´ Tinta China e ,despois, as rosas por alecríns ,o arame de espiño por toxos e as pistolas polo pincel e a prumilla. E, como calquera excusa é boa para practicar, fixen todo a pincel . Ese foi o resultado .
Espero que vos guste amigos!!!